ဖြစ်လေ့ဖြစ်ထရှိတဲ့ အကြောင်းအရင်း - ငွေဖြည့်အော်ဒါတင်မယ့် ဖုန်းကနေ တိုက်ရိုက်ငွေမလွှဲဘဲ၊ တခြားဖုန်းကပြေစာပုံကို မိမိဖုန်းကင်မရာနဲ့ ဓာတ်ပုံပြန်ရိုက်ပြီး တင်တာမျိုး (ဥပမာ - ငွေလွှဲ App မရှိလို့ အေးဂျင့်ဆိုင်တွေကနေ လွှဲခိုင်းပြီး အဲဒီဆိုင်ကဖုန်းကို ဓာတ်ပုံရိုက်လာတာမျိုး) ဆိုရင် တင်လို့ရမှာ မဟုတ်ပါဘူးရှင်။ ဘာကြောင့်လဲဆိုတော့ - ဖုန်းကင်မရာနဲ့ တိုက်ရိုက်ရိုက်ထားတဲ့ ပုံတွေက File Size (MB) အရမ်းများလွန်းတာကြောင့် ဖြစ်ပါတယ်ရှင်။ ကျွန်မတို့ App ထဲမှာတော့ လုံခြုံရေးနဲ့ စနစ်ပိုင်းအရ MB အလွန်များပြားတဲ့ပုံတွေကို ထည့်သွင်းခွင့် ပိတ်ထားလို့ ဖြစ်ပါတယ်ရှင်။ 💡 အဆင်ပြေပြေ တင်နိုင်မယ့် အဆင့်ဆင့် ဖြေရှင်းနည်း - ၁။ တခြားဖုန်း (သို့မဟုတ်) ဆိုင်မှ လွှဲပေးသည့် ပြေစာပုံကို မိမိဖုန်းကင်မရာဖြင့် ကြည်လင်အောင် ဓာတ်ပုံအရင်ရိုက်ပါ။ ၂။ ရိုက်ပြီးသားပုံကို မိမိဖုန်း Gallery (ဓာတ်ပုံအယ်လ်ဘမ်) ထဲသို့ဝင်ပြီး ပြန်ဖွင့်ကြည့်ပါ။ ၃။ ထိုပြေစာပုံကို ဖုန်းမျက်နှာပြင်ပေါ်တွင် ဖွင့်ထားဆဲမှာပဲ မိမိဖုန်းဖြင့် Screenshot (ဖန်သားပြင်ဓာတ်ပုံ) ပြန်ရိုက်လိုက်ပါရှင်။ ၄။ Screenshot ရိုက်လို့ရလာတဲ့ ပုံအသစ်လေးကို ငွေဖြည့်အော်ဒါ တင်မယ့်နေရာမှာ ပြန်တင်ကြည့်ပေးပါရှင်။ Screenshot ပြန်ရိုက်လိုက်တဲ့အခါ ပုံရဲ့ MB က အလိုအလျောက် အလွန်နည်းသွားမှာ ဖြစ်လို့ ချက်ချင်း အော်ဒါတင်လို့ ရသွားပါလိမ့်မယ်ရှင် 🥰🙏